Տավուշի մարզպետի աշխատակազմ

  2015 թվականի գյուղատնտեսական տարին Տավուշի մարզի Նոյեմբերյանի տարածաշրջանի հողօգտագործողները կարևորում են հակակարկտային կայանների ձեռքբերմամբ: Գյուղացու բերքը կարկուտից պաշտպանելու նպատակով տարածաշրջանի 10 համայնքում տեղադրվել են հակակարկտային կայաններ: Հակակարկտային կայանների սփռման մակերեսը 1000 հեկտար է: Կայանները տեղադրվել են ՀՀ կառավարության առաջնահերթ խնդիրների լուծման հրատապ ծրագրով Տավուշի մարզին հատկացված գումարից: Կայանների տեղադրման համար ծախսվել է 28 միլիոն դրամ: Գյուղացիները հակակարկտային կայանների տեղադրումը մշակված հողատարածքները կարկուտից պաշտպանելու լավագույն միջոց են համարում և վստահ են, որ դրանց միջոցով ոչ միայն զգալիորեն կպաշտպանվի իրենց բերքը, այլև կավելանան արտադրվող բերքի ծավալները: