Տեղեկատվական կենտրոն
Նորություններ
Սեմինար-խորհրդակցություն մարզպետարանում
16.11.2015
<<Նոր սերունդ>> մարդասիրական հասարակական կազմակերպությունը Տավուշի մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի և իրավաբանական բաժնի աջակցությամբ մարզպետարանում անցկացրեց սեմինար-խորհրդակցություն <<Խտրականության արգելք և հակախտրականության մասին ՀՀ օրենքի ընդունման անհրաժեշտության կոչ>> թեմայով: Խորհրդակցությանը մասնակցում էին սոցիալական, կրթական, առողջապահական ոլորտի, ինչպես նաև հասարակական կազմակերպությունների ներկայացուցիչներ, Իջևանի պետական քոլեջի ուսանողներ: Միջոցառմանը քննարկվեցին խոցելի խմբերի նկատմամբ խտրականության բացահայտման ուղիները, խտրականության դեմ պայքարի կանխարգելման միջոցները: Վերջում սեմինարի մասնակիցներն ընդունեցին <<Հակախտրականության մասին>> ՀՀ օրենքի ընդունման անհրաժեշտության կոչի նախնական տարբերակը: