Տեղեկատվական կենտրոն
Նորություններ
Փորձնական ծրագրի իրականացումն ապահովող միջգերատեսչական հանձնաժողովի հերթական նիստում
05.11.2015
![](http://tavush.mtad.am/files/n_pics/9436_s.jpg)
Այսօր Տավուշի մարզպետարանում տեղի ունեցավ Տավուշի մարզում վարձատրվող հասարակական աշխատանքների կազմակերպման փորձնական ծրագրի իրականացումն ապահովող միջգերատեսչական հանձնաժողովի հերթական նիստը, որը վարեց ՀՀ Տավուշի մարզպետի տեղակալ Լևոն Սարգսյանը: Ինչպես արդեն տեղեկացրել ենք, հանձնաժողովը ստեղծվել է ՀՀ կառավարության որոշմամբ` ՀՀ աշխատանքի և սոցիալական հարցերի ու ՀՀ տարածքային և արտակարգ իրավիճակների նախարարներին տրված հանձնարարականների հիման վրա: Նույն որոշմամբ ՀՀ կառավարության պահուստային ֆոնդից 60,600.0 հազ. դրամ գումար է հատկացվել Տավուշի մարզում վարձատրվող հասարակական աշխատանքների կազմակերպման ծրագրերի իրականացման նպատակով: Նախորդ նիստում ներկայացված 44 ծրագրից հաստատվել էր 7-ը, մնացած 37 ծրագրերը դրանց բնույթն ու ծավալները փոխելու, ճշտումներ կատարելու նպատակով ուղարկվել էին վերախմբագրավորման: Այսօրվա նիստում մանրամասն քննարկվեցին արդեն վերախմբագրված ծրագրերը: Ներկայացված բոլոր ծրագրերը, որոշակի խմբագրումներով, հաստատվեցին: Հավելենք, որ ներկայացված ծրագրերում միջգերատեսչական հանձնաժողովը կարևորում է ՀՀ կառավարության կողմից նշված առաջնահերթությունների ընդգրկումը: