Տավուշի մարզպետի աշխատակազմ

             Սոցիալական ոլորտի հարգելի աշխատողներ

   Ջերմորեն շնորհավորում եմ Ձեզ մասնագիտական տոնի` Սոցիալական աշխատողի օրվա կապակցությամբ: Գնալով էլ ավելի ու ավելի է կարևորվում ու արժևորվում սոցիալական աշխատողի դերն ու նշանակությունը մեր կյանքում: Դժվարին ու պատասխանատու աշխատանք է իրականացնում սոցիալական աշխատողը, որի նպատակը սոցիալական խնդիրների մեջ հայտնված մարդուն աջակցելն ու նրա խնդիրներին լուծում տալն է: Մարդկանց սոցիալական պաշտպանվածությունն այսօր Հայաստանի Հանրապետության կառավարության քաղաքականության գերակա ուղղություններից է, և կարևոր է, թե այդ մարդկանց կողքին ինչ որակների ու մասնագիտական կարողությունների տեր սոցիալական աշխատող է կանգնած: Մեր երկրում ընթացող սոցիալական բարեփոխումների հաջողությունն այսօր մեծապես կախված է նաև ձեր աշխատանքից, մարդկանց օգնելու ձեր կարողությունից ու հմտությունից:
 Մեկ անգամ ևս շնորհավորելով մասնագիտական տոնի առթիվ` առողջություն, բարեկեցություն ու աշխատանքային հաջողություններ եմ մաղթում ձեզ: