Տավուշի մարզպետի աշխատակազմ

 Սեպտեմբերի 26-ին ,,Սահմանապահ Կոթի,, զարգացման հիմնադրամի նախաձեռնությամբ Կոթին նշեց գյուղի օրը: Տոնական օրվա միջոցառումների շրջանակում անցկացվեց նաև շախմատի մրցաշար, որին մասնակցեցին Իջևանի, Բերդի, Նոյեմբերյանի, Ջուջևանի, Կոթիի թիմերը: Նոյեմբերյանը և Կոթին ներկայացել էին 2-ական թիմով: Որպես մրցավար Երևանից հրավիրվել էր գրոսմայստեր Արսեն Եղիազարյանը, ով ծագումով կոթեցի է: Առաջնությունն անցավ լարված պայքարում, որի արդյունքում հաղթեց Իջևանի թիմը՝ պարգևատրվելով 1-ին տեղի համար նախատեսված գավաթով: Թիմի կազմում էին Էմիլ Մատինյանը, Կոմիտաս Սիմոնյանը, Ալբերտ Ղազարյանը, Լյովա Ներսիսյանը: 2-րդ տեղում էր Ջուջևանի թիմը, 3-րդ տեղը գրավեց Կոթին: Մրցանակային տեղեր գրաված թիմերը պարգևատրվեցին պատվոգրերով, նվերներով, իսկ տախտակներին լավագույն արդյունքներ ցույց տված շախմատիստները ստացան նաև դրամական պարգևներ: