Տեղեկատվական կենտրոն
Նորություններ
Անցկացվեց մարզական փառատոն
16.09.2015
Սեպտեմբերի 13-16-ը Հայաստանի Հանրապետության սպորտի և երիտասարդության հարցերի նախարարության նախաձեռնությամբ և Տավուշի մարզպետարանի կրթության, մշակույթի և սպորտի վարչության աջակցությամբ անցկացվեց դպրոցականների 2015թ. մարզական փառատոնը: Միջոցառմանը մասնակցեցին Իջևան, Դիլիջան, Նոյեմբերյան և Բերդ քաղաքների դպրոցականները: Փառատոնի մասնակիցները մրցապայքարի մեջ մտան հետևյալ մարզաձևերում՝ կշռաքարի բարձրացում, նարդի, շախմատ, կոխ, բազկամարտ, վազք, մինի ֆուտբոլ: Հաղթողները պարգևատրվեցին Հայաստանի Հանրապետության սպորտի և երիտասարդության հարցերի նախարարության համապատասխան կարգի հավաստագրերով, իսկ 1-ին տեղ գրաված մարզիկները՝ նաև սպորտային համազգեստով: Փառատոնն անցկացվեց բարձր մակարդակով և մասնակիցների մեծ ակտիվությամբ: