Տեղեկատվական կենտրոն
Նորություններ
<<Շանթ-2015>> ուսումնավարժության շրջանակում կատարվեցին փրկարարական և հրդեհաշիջման աշխատանքներ
05.09.2015
Սեպտեմբերի 5-ի առավոտյան <<Շանթ-2015>> ռազմավարական հրամանաշտաբային զորավարժությունների շրջանակում ստացվել էր տեղեկատվություն, որ հակառակորդը օդային հարձակում է գործել, և ազդարարվել է օդային տագնապ: Պայմանականորեն վնասվել է մեկ բնակելի շենք, կան տուժածներ, վիրավորներ, որոնք կարիք ունեն օգնության: Կարճ ժամանակում Իջևանի հրշեջ փրկարարական ջոկատի ուժերով կատարվեցին փրկարարական և հրդեհաշիջման աշխատանքներ. տուժածները շտապ օգնության մեքենայով տեղափոխվեցին Իջևանի բժշկական կենտրոն: Տարածքում աշխատում էին մարզային ոստիկանության ուժերը՝ տեղում ապահովելով հասարակական կարգի պահպանությունը: Արդյունքների մասին զեկուցվեց ՀՀ Տավուշի մարզպետ Հովիկ Աբովյանին և ՀՀ ՏԿԱԻՆ ՓԾ տնօրենի տեղակալ, գեներալ-մայոր Աստվածատուր Պետրոսյանին: Աշխատանքները մարզպետի և գեներալի կողմից գնահատվեցին դրական: