Տեղեկատվական կենտրոն
Նորություններ
ՀՀ Տավուշի մարզպետ Հովիկ Աբովյանի ուղերձը Գիտելիքի օրվա կապակցությամբ
31.08.2015
Սիրելի տավուշցիներ, աշակերտներ, մանկավարժներ,
Շնորհավորում եմ Ձեզ Գիտելիքի օրվա և նոր ուսումնական տարվա կապակցությամբ: Սեպտեմբերի 1-ը ամենասպասված տոներից է յուրաքանչյուր երեխայի ու նրա ընտանիքի համար, իսկ առաջին անգամ դպրոց ոտք դնող փոքրիկի համար՝ կարևորագույն իրադարձություն, որը միշտ կմնա նրա հիշողության մեջ: Գիտելիքն ու կրթությունը գնահատվում են բոլոր ժամանակաշրջաններում, քանզի միայն գիտելիք ունեցող մարդկանցով է հնարավոր ձևավորել առողջ հասարակություն: Զինվեք գիտելիքներով, և այն ճիշտ ուղենիշ կգծի Ձեր կյանքի ճանապարհի համար:
Հայաստանի Հանրապետության կրթական համակարգում տարեցտարի բարեփոխումներ են իրականացվում, նոր ծրագրեր են ներդրվում, որպեսզի մեր երկրի քաղաքացին նույնպես ժամանակին համահունչ գիտելիք ստանա և վստահորեն կառուցի իր և հայրենիքի ապագան: Աստիճանաբար վերանորոգվում ու նոր գույքով հագեցվում են նաև մեր մարզի դպրոցները: Հայրենասեր, բանիմաց ու կիրթ սերունդ դաստիարակելու համար մենք բոլորս պետք է ունենանք բարձր քաղաքացիական պատասխանատվություն:
Սիրելի մանկավարժներ, ծնողներ, շնորհավորում եմ նաև Ձեզ և համոզված եմ, որ պատասխանատու ու շնորհակալ Ձեր գործն այս տարի առավել արգասաբեր կլինի:
Եվս մեկ անգամ շնորհավորում եմ ուսումնական նոր տարվա և Գիտելիքի օրվա առթիվ, մաղթում եմ հաջողություններ և ձեռքբերումներ:
Բարի երթ Ձեզ: