Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզային հուշամրցաշար Աչաջուր համայնքում
20.08.2015
Տավուշի մարզի Աչաջուր համայնքում արդեն ավանդույթ է դարձել ամենամյա ֆուտբոլային հուշամրցաշարը՝ նվիրված մարզի կյանքից հեռացած ֆուտբոլիստների հիշատակին: Այս տարի էլ Աչաջրի գյուղապետարանի, ,,Նիկարմ,, և Վաչիկ Տիգրանի Ղալթախչյանի անվան ֆուտբոլային ակումբների նախաձեռնությամբ և համայնքի ղեկավար Կամո Ղալթախչյանի աջակցությամբ, այն մեկնարկել է օգոստոսի 18-ին և կեզրափակվի այսօր՝ օգոստոսի 20-ին: Հուշամրցաշարի մեկնարկի առթիվ հանդիսավոր արարողություն տեղի ունեցավ համայնքի Վաչիկ Ղալթախչյանի անվան մարզադաշտում, որին ներկա էին բազմաթիվ հյուրեր մարզի տարբեր համայնքներից: Ներկաներին մրցաշարի անցկացման առթիվ ողջունեց մարզպետի տեղակալ Լևոն Սարգսյանը, ով Տավուշի մարզպետ Հովիկ Աբովյանի և անձամբ իր անունից հաջողություն մաղթեց մասնակից թիմերին: Մրցաշարը բացվեց Իջևանի և Վերին Կարմիրաղբյուրի թիմերի խաղով: Եզրափակիչ խաղը, որտեղ կհանդիպեն Աչաջրի և Ազատամուտի թիմերը, և փակման հանդիսավոր արարողությունը կկայանան այսօր:
