Տեղեկատվական կենտրոն
Նորություններ
Մրցապայքարի մեջ էին վետերան-շախմատիստները
19.08.2015
ՀՀ շախմատի ֆեդերացիայի նախաձեռնությամբ և Տավուշի մարզպետարանի աջակցությամբ օգոստոսի 19-ին Իջևանի թիվ 1 հիմնական դպրոցում անցկացվեց Հայաստանի՝ 50-ից բարձր տարիքի վետերան-շախմատիստների թիմերի արագ շախմատի գավաթի խաղարկությունը: Մինչ մարզային փուլի անցկացումը անց է կացվել քաղաքային փուլը, որտեղ հաղթած թիմերն էլ դուրս են եկել մարզային փուլ: Մարզային փուլում մրցապայքարի մեջ էին մտել մարզի 4 քաղաքները ներկայացնող թիմերը՝ յուրաքանչյուր թիմում 4 մասնակից: Այդպիսով խաղարկությանը մասնակցեց 16 վետերան-շախմատիստ: Համառ ու լարված մրցապայքարի արդյունքում կազմավորվեց Տավուշի մարզի հավաքական թիմը, որն էլ կմասնակցի օգոստոսի 22-23-ը Երևանում կայանալիք եզրափակիչ մրցումներին: Շախմատիստների խաղը վարեց ՀՀ շախմատի ակադեմիայի Տավուշի մարզի լիազոր-ներկայացուցիչ Էմիլ Մատինյանը: