Տավուշի մարզպետի աշխատակազմ

ՀՀ կառավարության կողմից իրականացվող դպրոցականների ամառային հանգստի կազմակերպման շրջանակներում հուլիսի 27-ի առավոտյան Տավուշի մարզպետարանի մոտից Հանքավանի ,,Լուսաբաց,, ճամբար մեկնեց դպրոցականների վերջին՝ 3-րդ հերթափոխը: Ճամբար մեկնողների 80 հոգանոց խմբում ընդգրկված էին երեխաներ մարզի տարբեր տարածաշրջաններից: Ինչպես միշտ, այս անգամ էլ երեխաների անվտանգ տեղափոխումը ճամբար ապահովում էին ճանապարհային ոստիկանության աշխատակիցները: 20 օր իրենց հանգիստն անցկացնելով ճամբարում՝ դպրոցականները տուն կվերադառնան նոր ընկերներ ձեռք բերած, հետաքրքիր հիշողություններով ու նոր լիցքերով: Տավուշի մարզպետարանի առողջապահության և սոցիալական ապահովության վարչության գլխավոր մասնագետ Նարինե Ճաղարյանի տեղեկացմամբ ճամբարում ստեղծված են բոլոր պայմանները երեխաների առօրյան ու հանգիստը հետաքրքիր ու բովանդակալից անցկացնելու համար: Նա նաև տեղեկացրեց, որ այսօր միաժամանակ դիմավորելու են երկրորդ հերթափոխից վերադարձող ճամբարականներին: