Տեղեկատվական կենտրոն
Նորություններ
Դասընթացի անցկացում <<Նախադպրոցական ուսումնական հաստատություններում բժշկահիգիենիկ գիտելիքների ուսուցում և առողջ ապրելակերպի քարոզչություն>> թեմայով
22.07.2015
Այսօր Տավուշի մարզպետարանում անցկացվեց դասընթաց <<Նախադպրոցական ուսումնական հաստատություններում բժշկահիգիենիկ գիտելիքների ուսուցում և առողջ ապրելակերպի քարոզչություն>> թեմայով: Մասնակցում էին Տավուշի մարզի նախադպրոցական հաստատությունների տնօրեններ, մանկավարժներ, բուժաշխատողներ, սննդի կառուցահատվածի պատասխանատուներ, դաստիարակներ ու նրանց օգնականներ: Դասընթացը վարեցին ՀՀառողջապահության նախարարության առողջապահական պետական տեսչության մասնագետներ Մարգարիտ Բաբայանը և Նոնա Հայրապետյանը: Դասընթացավարները մանրամասն անդրադարձան նախադպրոցական հաստատություններում երեխաների հետ տարվող աշխատանքին` սկսած նրանց ամենօրյա առավոտյան ընդունումից մինչև տուն ճանապարհելը: Անդրադարձ եղավ երեխաների ընդհանուր հիգիենայի, սննդի կազմակերպման հարցերին: Բուժքույրերի ուշադրությունը հրավիրվեց երեխաների բժշկական քարտերի լրացման վրա, նշվեց, որ կապը ամբուլատոր բժիշկների հետ պետք է սերտ լինի և որ բուժքույրերը պետք է առանձնապես հետևողական լինեն դիսպանսեր հսկողության տակ գտնվող երեխաների նկատմամբ: Խոսվեց բուժկետերի հագեցվածության խնդրի մասին: Սննդային գործոնով պայմանվորված զանգվածային վարակիչ հիվանդությունների ու սննդային թունավորումների առաջացման և տարածման կանխարգելման նպատակով ներկայացվեց նախադպրոցական ուսումնական հաստատություններում արգելվող սննդամթերքների, ճաշատեսակների ու խոհարարական կերակրատեսակների ցանկը: Դասընթացի ավարտին մասնագետները պատասխանեցին ներկաներին հետաքրքրող հարցերին: