Տեղեկատվական կենտրոն
Նորություններ
Խաղաղության կորպուսի կամավորները՝ Դիլիջանի «Հույսի կամուրջ» ՀԿ-ում
24.06.2015
Հունիսի 23-ին ԱՄՆ խաղաղության կորպուսի կամավորները իրականացրին հերթական նախաձեռնությունը Դիլիջանի «Հույսի կամուրջ» հասարակական կազմակերպության երեխայի զարգացման ցերեկային խնամքի կենտրոն հաճախող սաների համար։ «Սահմանից սահման» նախաձեռնության շրջանակներում, որի նպատակն է բարձրացնել երիտասարդների իրազեկվածության մակարդակը առողջ ապրելակերպի և ապահով միջավայրում ապրելու վերաբերյալ, խաղաղության կորպուսի կամավորները Դիլիջանի «Հույսի կամուրջ» ՀԿ-ում անցկացրին «Առողջ մարմին, առողջ հոգի» թեմայով թվով 3 դասընթաց /ընդդեմ ծխելու, մարզանք, շրջակա միջավայր/, որից հետո երեխաները կամավորների հետ միասին ֆուտբոլ խաղացին Դիլիջանի մարզական դպրոցի մարզադաշտում։ Միջոցառմանը մասնակցեց կենտրոն հաճախող սոցիալապես անապահով և հաշմանդամություն ունեցող 6-15 տարեկան 30 երեխա։ Երեխաների տրվեցին դասընթացին մասնակցության հավաստագրեր, իսկ «Հույսի կամուրջ» ՀԿ-ն նվեր ստացավ 2 գնդակ։