Տավուշի մարզպետի աշխատակազմ

Ամեն տարի ՀՀ կառավարությունն իրականացնում է դպրոցականների ամառային հանգստի կազմակերպման ծրագիր Հանքավանի <<Լուսաբաց>>, <<Հասմիկ>>, <<Արագած>>, <<Հեքիաթային կիրճ>> և Ծաղկաձորի <<Աղբյուր>> ճամբարներում: ՀՀ վարչապետի որոշմամբ ծրագրի շահառուներ են հանդիսանում Երևանի և ՀՀ բոլոր մարզերի զոհված, հաշմանդամ դարձած զինծառայողների, ծնողազուրկ ու uակավ ապահովված բազմազավակ ընտանիքների 7-13 տարեկան երեխաները:
Աշխատանքը կազմակերպվում է ՀՀ վարչապետի որոշմամբ` միջգերատեսչական հանձնաժողովի կողմից: Երեխաների ցուցակների ներկայացումը, ինչպես նաև նրանց տեղափոխումն իրականացվում է ՀՀ մարզպետարանների և Երևանի քաղաքապետարանի կողմից: ՀՀ վարչապետի 19.05.2015թ. <<Դպրոցականների 2015 թվականի ամառային հանգստի կազմակերպման նպատակով միջգերատեսչական հանձնաժողով ստեղծելու մասին>> թիվ 400-Ա որոշման համաձայն, այս տարի ճամբարներում կհանգստանան Տավուշի մարզի անապահով ընտանիքների 240 երեխաներ: Դպրոցականների առաջին հերթափոխը ամառային հանգստի կմեկնի հունիսի 19-ին: