Տեղեկատվական կենտրոն
Նորություններ
Ամփոփվեցին <<Տարվա լավագույն ուսուցիչ>>, <<Տարվա լավագույն տնօրեն>> և <<Տարվա լավագույն դաստիարակ>> մրցույթի մարզային փուլի արդյունքները
02.06.2015
Տավուշի մարզում ամփոփվեցին ՀՀ կրթության ու գիտության նախարարության կողմից անցկացվող <<Տարվա լավագույն ուսուցիչ>>, <<Տարվա լավագույն տնօրեն>> և <<Տարվա լավագույն դաստիարակ>> մրցույթի մարզային փուլի արդյունքները: Մարզային գնահատող հանձնաժողովները, որոնց կազմում ընդգրկվել են Տավուշի մարզպետարանի կրթության, մշակույթի և սպորտի վարչության մասնագետները, ուսումնական հաստատությունների տնօրեններ, ուսուցիչներ, ինչպես նաև կրթության և գիտության նախարարության ներկայացուցիչը՝ Նոյեմբերյանի ավագ դպրոցի տնօրեն Ռուբեն Գիշյանը, <<Տարվա լավագույն ուսուցիչ>> անվանակարգում հաղթող է ճանաչել Արծվաբերդի միջնակարգ դպրոցի զինղեկ Գուրգեն Զարգարյանին: <<Տարվա լավագույ տնօրեն>> անվանակարգում հաղթել է Բերդի թիվ 3 հիմնական դպրոցի տնօրեն Ռուզան Թումանյանը: <<Տարվա լավագույն դաստիարակ>> է ճանաչվել Սևքարի մանկապարտեզի դաստիարակ Ռուզաննա Մայիլյանը: Բոլոր հաղթողները կմասնակցեն մրցույթի հանրապետական փուլին, որը տեղի կունենա Ուսուցչի օրվա նախօրեին և կստանան պարգևներ: