Տեղեկատվական կենտրոն
Նորություններ
ՀՀ ՏԱՎՈՒՇԻ ՄԱՐԶՊԵՏ ՀՈՎԻԿ ԱԲՈՎՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՆՐԱՊԵՏՈՒԹՅԱՆ ՏՈՆԻ ԿԱՊԱԿՑՈՒԹՅԱՄԲ
28.05.2015
Հարգելի հայրենակիցներ
Շնորհավորում եմ Ձեզ Մայիսի 28-ի՝ Հանրապետության տոնի կապակցությամբ: Աստծու նախախնամությամբ թե երջանիկ պատահականությամբ մայիսը մեր ժողովրդի համար դարձել է հաղթանակների ու տոների ամիս: Այդ փառահեղ հաղթանակներից էին Ղարաքիլիսայի, Բաշ-Ապարանի և Սարդարապատի հերոսամարտերը, որոնցով ամրագրվեց Անկախ Հայաստանի Առաջին Հանրապետությունը: Մեծ է Մայիսի 28-ի խորհուրդը: Նրանով հայ ժողովուրդը ոչ միայն վերագտավ հարյուրամյակներով կորցրած իր անկախությունը, այլև նրա հենքի վրա ստեղծվեցին Խորհրդային Հայաստանն ու Հայաստանի Երրորդ Հանրապետությունը:
Հեշտ չի եղել անկախության ճանապարհը: Այդ ճանապարհին ունեցել ենք և դժվարություններ, և կորուստներ ու զոհեր: Սակայն միասնական կամքով ու համախմբվածությամբ կարողացել ենք հաղթահարել մեր առջև ծառացած խնդիրներն ու վստահորեն քայլել առաջ:
Սիրելի տավուշցիներ, մեկ անգամ ևս շնորհավորելով Հանրապետության տոնի առթիվ, հարատև խաղաղություն եմ մաղթում մեր սահմաններին, ձեր ընտանիքներին՝ երջանկություն ու բարեկեցություն՝ ի նպաստ մեր երկրի շենացման ու զորացման:
Ջերմ բարեմաղթանքներով՝
ՀՈՎԻԿ ԱԲՈՎՅԱՆ
ՀՀ Տավուշի մարզպետ