Տպել
Տեղեկատվական կենտրոն
Նորություններ
Միջոցառումը նվիրված էր մայիսյան տոներին
26.05.2015
Մայիսյան տոների կապակցությամբ Տավուշի մարզի սահմանամերձ համայնքների զոհված ազատամարտիկների ընտանիքների համար գեղեցիկ միջոցառում էր նախաձեռնել <<Զինվոր>> համակարգող խորհուրդն իր կազմում ընդգրկված <<Ծիրանավոր>> և <<ԱՍ>> հասարակական կազմակերպությունների հետ համատեղ: Մայիսի 26-ին Իջևանի մշակույթի տանը կազմակերպված միջոցառմանը ներկա էին ոչ միայն զոհվածների ընտանիքների անդամներն ու հարազատները, այլև պաշտոնատար անձինք, զինվորներ ու սպաներ: Միջոցառումն սկսվեց Տերունական աղոթքով, որը զորամասի հոգևոր սպասավոր, Մայր Աթոռ Սուրբ Էջմիածնի սոցիալական բաժնի ներկայացուցիչ Սմբատ սարկավագ Խանվելյանի հետ հնչեցրեց ամբողջ դահլիճը: Այնուհետև հոգևոր հայրը որդեկորույս մայրերին փոխանցեց Մայր Աթոռի սոցիալական բաժնի տնօրեն Իսահակ վարդապետի օրհնության խոսքը՝ նշելով, որ օգնությունը զոհվածների ընտանիքներին լինելու է շարունակական:
<<Զինվոր>> համակարգող խորհուրդը մարզ էր եկել ոչ միայն 80 ընտանիքի համար նախատեսված նվերներով, այլև հայրենիքին ու հայ զինվորին նվիրված համերգային հարուստ ծրագրով: Իջևանի զորամասի հրամանատարական կազմի անունից շնորհակալություն հայտնելով կազմակերպիչներին նման գեղեցիկ ու հետաքրքիր միջոցառում նախաձեռնելու համար՝ հրամանատարի տեղակալ, փոխգնդապետ Սահակյանն այնուհետև պատվոգրեր հանձնեց <<Զինվոր>> համակարգող խորհրդի նախագահ Մարգարիտա Խաչատրյանին և <<ԱՍ>> հասարակական կազմակերպության նախագահ Նարինե Ավետիսյանին: