Տավուշի մարզպետի աշխատակազմ

Մայիսի 16-ին մարզկենտրոն Իջևանի թիվ 1 հիմնական դպրոցում մեկնարկեց՝ ՀՀ Տավուշի մարզպետ, շախմատի մարզային ֆեդերացիայի նախագահ Հովիկ Աբովյանի հովանավորությամբ անցկացվող շախմատի մեծահասակների մարզային առաջնությունը: Նշենք, որ մրցաշարն անց է կացվում երկու փուլով: Մարզային փուլին նախորդել է քաղաքային առաջնությունը, որտեղ էլ մարզի յուրաքանչյուր քաղաքից հաղթած չորս լավագույն շախմատիստներն անցել են մարզային փուլ: Ընդհանուր թվով մարզային փուլին մասնակցում էր 16 շախմատիստ: Եռօրյա համառ ու լարված պայքարից հետո մրցանակային 1-ին տեղը գրավեց Հայաստանի շախմատի ակադեմիայի համակարգող Էմիլ Մատինյանը, 2-րդ տեղում Եղիշե Ավագյանն էր Նոյեմբերյանից, իսկ 3-րդ տեղը բաժին հասավ Արման Չիլինգարյանին՝ նույնպես Նոյեմբերյան քաղաքից: Առաջնության հաղթողները Տավուշի մարզպետի կողմից արժանացան դրամական պարգևի, իսկ 1-ին և 2-րդ տեղեր գրաված շախմատիստներին տրվեց շախմատի մեծահասակների կիսաեզրափակիչին մասնակցելու ուղեգիր, որը կանցկացվի Վայոց ձորի մարզի Ջերմուկ քաղաքում: