Տեղեկատվական կենտրոն
Նորություններ
Նոր ուսումնական տարին՝ նորացված մարզադահլիճով
15.05.2015
Գալիք նոր ուսումնական տարում Իջևանի թիվ 1 հիմնական դպրոցի աշակերտները կունենան հիմնովին վերանորգված մարզադահլիճ: Պետբյուջեից հատկացված 100 միլիոն դրամ արժողությամբ շինարարությունն իրականացնում է <<ՀԳՇՆ>> ՍՊԸ-ն: Տավուշի մարզպետ Հովիկ Աբովյանը երեկ այցելել էր դպրոց, որտեղ մարզպետին ներկայացրին աշխատանքների ընթացքը: Չնայած շինաշխատանքների ավարտը նախատեսված է դեկտեմբերին, սակայն շինարարները խոստացել են մարզադահլիճը շահագործման հանձնել օգոստոսին՝ նոր ուսումնական տարվա նախաշեմին: Նշենք, որ վերանորոգման աշխատանքներին զուգահեռ կատարվում են նաև շինության ուժեղացման աշխատանքներ: