Տավուշի մարզպետի աշխատակազմ

Այսօր Տավուշի մարզում հիշատակի ու ոգեկոչման օր էր: Տավուշի մարզպետ Հովիկ Աբովյանը Նոյեմբերյանում ծաղիկներ խոնարհեց զոհված ոստիկանների հիշատակը հավերժացնող հուշարձանին: 1991 թվականի մայիսի 6-ը ողբերգական էր՝ մեր նոր գոյամարտի ամենադաժան ու ցավալի օրերից մեկը, երբ 15 ոստիկանների սպանության բոթը ցնցեց ամբողջ Հայաստանը: Վերքը գուցե սպիացել է, բայց ցավը երբեք չի անցնի, իսկ հիշատակը միշտ վառ կմնա: Եվ ինչպես ամեն տարի, այսօր էլ մարդիկ ոստիկանների հարազատների հետ միասին հավաքվել էին մեկ անգամ ևս խոնարհվելու հերոս որդիների հիշատակի առջև: