Տավուշի մարզպետի աշխատակազմ

Կիրանցը Տավուշի մարզի սահմանամերձ և հերոսական տարեգրություն ունեցող համայնքներից է: Այս փոքր գյուղը Արցախյան ազատամարտի տարիներին 14 զոհ է տվել: 1992-ին էր, երբ Կիրանցի սահմանագոտում ընկավ նրա զավակներից մեկը՝ Գագիկ Վարդանյանը: 2015 թվականի մայիսի 1-ին պիտի լրանար ազատամարտիկի 55-րդ տարեդարձը: Նրա եղբայրը՝ Գրիշա Վարդանյանը, նախաձեռնել և կառուցել էր Գորոյի /այսպես էին նրան ճանաչում/ կիսանդրին, որը մայիսի 1-ին բացվեց հայրենի գյուղի իր անունը կրող դպրոցի բակում: Հուշարձանի բացման առիթով հանդիսավոր արարողություն էր կազմակերպվել, որին մասնկացում էր նաև Տավուշի մարզպետի տեղակալ Լևոն Սարգսյանը: Նա ողջունեց ներկաներին, շնորհակալություն հայտնեց նախաձեռնության համար և նշեց, որ նման միջոցառումները ոչ միայն վառ են պահում մեր հերոսաբար ընկած տղաների հիշատակը, այլև բաց դաս են մեր ներկա ու ապագա սերունդների համար: