Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տրվեց ,,Ընտանեկան բռնության հարցերով ոստիկանության կարողությունների զարգացում,, ծրագրի մեկնարկը
22.04.2015
Նախօրեին Տավուշի մարզպետարանում տեղի ունեցավ ,,Ընտանեկան բռնության հարցերով ոստիկանության կարողությունների զարգացում,, ծրագրի մեկնարկի արարողությունը: Այն իրականացնելու է ,,Սոցիալական արդարություն,, հասարակական կազմակերպությունը ԵԱՀԿ երևանյան գրասենյակի ֆինանսավորմամբ: Ծրագրի շնորհանդեսին մասնակցում էին ոստիկանության, ԵԱՀԿ երևանյան գրասենյակի, Տավուշի մարզպետարանի, մարզի կրթական հաստատությունների, հասարակական կազմակերպությունների ներկայացուցիչներ: Ներկաներին ողջունեց և ծրագրի իրականացմանը հաջողություն մաղթեց Տավուշի մարզպետարանի աշխատակազմի ղեկավար Սվետլանա Դավթյանը՝ համոզմունք հայտնելով, որ այն կդառնա շահագրգիռ կողմերի համագործակցության լավագույն և արդյունավետ օրինակ: ՀՀ ոստիկանության անչափահասների իրավունքների և ընտանեկան բռնության դեմ պայքարի վարչության պետ Նելլի Դուրյանը նույնպես ողջունելով ծրագրի մեկնարկը Իջևան քաղաքում, նշեց, որ անցյալ տարի ծրագիրը բարեհաջող անցել է փորձնական փուլ Երևան քաղաքի 3 համայնքում, այս տարի գումարվել են ևս երկու համայնք մայրաքաղաքից ու Տավուշի մարզի Իջևան քաղաքը: ,,Ընտանեկան բռնության հարցերով ոստիկանության կարողությունների զարգացում,, ծրագիրը Տավուշի մարզկենտրոնում իրականացվելու է գրեթե մեկ տարվա ընթացքում, ավարտը նախատեսված է նոյեմբերի 30-ին: Ծրագրի թիրախ է ընտրվել ընտանեկան բռնությունների դեմ պայքարը,և ընդհանուր առմամբ սա նույնպես միտված է ոստիկանություն-հասարակություն համագործակցության ամրապնդմանը:
