Տավուշի մարզպետի աշխատակազմ

Այսօր Տավուշի մարզպետարանում մարզպետ Հովիկ Աբովյանն ընդունեց Հայաստանի Հանրապետությունում Եվրոպական միության պատվիրակության ղեկավար Տրայան Հրիսթեային: Երկուստեք հետքրքրություն ներկայացնող հանդիպման ընթացքում, Հայաստան – Եվրամիություն համագործակցության համատեքստում, կողմերը քննարկեցին մարզային մակարդակում համագործակցության ոլորտներն ու ուղղությունները: Մասնավորապես նշվեցին Արևելյան գործընկերության շրջանակներում իրականցվող ծրագրերը: Մարզպետ Հովիկ Աբովյանը շնորհակալություն հայտնեց մարզի տարբեր ոլորտների՝ ենթակառուցվածքների, քաղաքացիական հասարակության, կրթական ոլորտի աջակցության ու զարգացման ծրագրերի իրականացման համար: Իր հերթին Տրայան Հրիսթեան ներկայցրեց Եվրամիության կողմից իրականացվող ծրագրերի այն ամբողջ փաթեթը, որին կարող են միանալ նաև Տավուշի մարզի համայնքները, տեղական իշխանություններն ու հասարակական կառույցները: