Տեղեկատվական կենտրոն
Նորություններ
ԵԱՀկ հերթական բրիֆինգը
30.01.2015
Հունվարի 29-ին Տավուշի մարզպետարանում տեղի ունեցավ ԵԱՀԿ հերթական բրիֆինգը, որը վարում էր մարզպետի տեղակալ Լևոն Սարգսյանը: Բրիֆինգին մասնակցում էին ՀՀ պաշտպանության նախարարության ներկայացուցիչներ և ԵԱՀԿ գործող նախագահի անձնական ներկայացուցչի դաշտային օգնականներ Եվգենի Շարովը, Իրժի Աբերլիեն ու ԵԱՀԿ գործող նախագահի անձնական ներկայացուցիչ Անջեյ Կասպրշիկի անձնական օգնական Սայմոն Տեշլերը: Բրիֆինգի ընթացքում քննարկվեցին սահմանային հատվածի միջադեպերի հետ կապված հարցեր: Մարզպետի տեղակալ Լևոն Սարգսյանը ներկայացրեց վերջին շրջանում հակառակորդի կողմից հրադադարի խախտման դեպքերը և դրա հետ կապված մարզի սահմանամերձ համայնքներում տիրող իրավիճակը: ՀՀ պաշտպանության նախարարության ներկայացուցիչների կողմից ԵԱՀԿ պաշտոնյաներին ներկայացվեցին նաև ընդհանուր առմամբ ադրբեջանական զինուժի կողմից հրադադարի ռեժիմի խախտման դեպքերը: Բրիֆինգին հաջորդեց ԵԱՀԿ հերթական դիտարկումը Տավուշի մարզի Բերքաբեր համայնքի հատվածում: