Տեղեկատվական կենտրոն
Նորություններ
ՀՀ տարածքային կառավարման և արտակարգ իրավիճակների նախարարը՝ Տավուշի մարզում
30.01.2015
Հունվարի 27-ի առավոտյան ՏԿԱԻ նախարար Արմեն Երիցյանը մասնակցել է ՄԱԿ-ի Զարգացման ծրագրի հայաստանյան գրասենյակի և ՏԿԱԻ նախարարության համատեղ նախաձեռնությամբ Դիլիջանում անցկացվող «Համայնքային երիտասարդ առաջնորդների ձմեռային ճամբար»-ի բացման հանդիսավոր արարողությանը։
Այնուհետև նախարար Երիցյանը, Տավուշի մարզպետ Հովիկ Աբովյանի ուղեկցությամբ եղել է Տավուշի մարզի սահմանամերձ մի շարք գյուղերում: Սարիգյուղ, Բերքաբեր, Կիրանց, Ոսկեպար, Բաղանիս, Կոթի, Բարեկամավան, Ոսկեվան, Դովեղ և Բերդավան համայնքներում ՏԿԱԻ նախարարը և Տավուշի մարզպետը հանդիպել են գյուղապետերի և բնակիչների հետ։ Քննարկվել են բնակչությանը հուզող ամենատարբեր հարցեր` անվտանգություն, ջուր, գազ, զբաղվածություն, սոցիալ-տնտեսական և կենսապահովման այլ խնդիրներ։ Նախարարը լսել է բոլորի խնդիրները` խոստանալով բարձրացնել հարցերը համապատասխան ատյաններում և հնարավորինս աջակցել համայնքներին:
Համայնքների բնակիչները շնորհակալություն են հայտնել Արմեն Երիցյանին սահմանամերձ համայնքներն ուշադրության կենտրոնում պահելու և սահմանամերձ համայնքների հարկային բեռը թեթևացնելու նախագծի կյանքի կոչմանն աջակցելու համար: