Տեղեկատվական կենտրոն
Նորություններ
ՀՀ Տավուշի մարզպետ Հովիկ Աբովյանի ուղերձը Հայոց բանակի օրվա կապակցությամբ
27.01.2015
Սիրելի տավուշցիներ
Ջերմորեն շնորհավորում եմ Ձեզ Հայոց բանակի օրվա առթիվ: 1992 թվականի հունվարի 28-ին, <<ՀՀ պաշտպանության նախարարության մասին>> պատմական որոշմամբ ազդարարվեց Հայոց ազգային բանակի ստեղծման մասին, և այսօր՝ ընդամենը 2 տասնամյակից փոքր-ինչ ավելի ժամանակ անց, մենք հպարտությամբ արձանագրում ենք, որ ունենք կայացած, մարտունակ ու հզոր բանակ: Իսկ բանակի օրն արդեն դարձել է բոլորիս համար հոգեհարազատ տոն:
Ծանր ու դժվարին ուղի է անցել մեր բանակը՝ ծնվելով ու կոփվելով Արցախյան գոյապայքարի ընթացքում: Հավերժ փառք նրանց, ովքեր ընկան այդ ճանապարհին, փառք նրանց, ովքեր այսօր էլ իրենց կյանքի գնով կանխում են հակառակորդի սանձարձակությունները: Այսօր խոնարհվելով բոլորի հիշատակի առջև, նշում ենք մեր հաղթական բանակի ծննդյան օրը, որ վեր է ածվել համաժողովրդական տոնի: Ես շնորհավորում եմ բոլորիս, մեր սահմանների վրա գիշեր ու զօր կանգնած բոլոր զինվորներին, սպաներին, նրանց ընտանիքներին: Մաղթում եմ քաջ առողջություն, բարձր տրամադրություն և, իհարկե, խաղաղություն:
Փառք ու պատիվ մեր հաղթական բանակին: