Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային խորհրդակցությունում
14.01.2015
Այսօր՝ հունվարի 14-ին, Տավուշի մարզպետ Հովիկ Աբովյանի մոտ կայացավ աշխատանքային խորհրդակցություն, որին մասնակցում էին մարզպետի տեղակալներ Լևոն Սարգսյանը և Կարեն Ադամյանը, մարզպետարանի աշխատակազմի ղեկավար Սվետլանա Դավթյանը, վարչությունների պետեր և բաժինների վարիչներ: Ըստ ոլորտների, մարզպետ Հովիկ Աբովյանը պատասխանատուների հետ քննարկեց առաջիկա անելիքները: Մասնավորապես մարզպետի տեղակալ Կարեն Ադամյանը տեղեկացրեց վերջին շրջանում սահմանամերձ համայնքներում գնդակոծություններից վնասված բնակարանների ուսումնասիրությունների արդյունքները: Աշխատակազմի առողջապահության վարչության պետ Կարինե Դովլաթբեկյանը ներկայացրեց տեղեկատվություն ուղեգրերման նոր կարգի մասին, որը սկսել է գործել 2015 թվականից: Մարզպետ Հովիկ Աբովյանը հանձնարարական տվեց խստորեն զբաղվել ճանապարհների, այդ թվում նաև մայրուղիների մաքրության խնդրով: Շատ կարևորվում է խնդիրը, հատկապես, որ Տավուշի մարզի տարածքով միջպետական ճանապարհ է անցնում: Մարզպետը հանձնարարեց հրավիրել խորհրդակցություն պատասխանատու կազմակերպությունների ղեկավարների մասնակցությամբ և հարցը մանրամասն քննարկել: Քաղաքաշինության վարչությանը հանձնարարական տրվեց արդեն ճշտել և վերահաշվարկել այն աշխատանքների նախագծանախահաշվային արժեքները, որոնք պետք է կատարվեն հաջորդ հրատապ խնդիրների լուծման ծրագրի շրջանակներում: Աշխատակազմի ֆինանսական և սոցիալ-տնտեսական զարգացման և ՏԻ և ՀԳՄ հարցերով վարչություններին հանձնարարվեց հրավիրել խորհրդակցություն համայնքների ղեկավարների մասնակցությամբ և մեկ անգամ ևս նրանց հետ քննարկել տեղական բյուջեների առավել իրատեսական կազմման, ինչպես նաև ընթացիկ այլ հարցեր: Խորհրդակցության ընթացքում քննարկվեցին նաև այլ աշխատանքային հարցեր, և մարզպետի կողմից տրվեցին համապատասխան հանձնարարականներ:
