Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ քաղաքաշինության նախարարը Տավուշի մարզում էր
29.12.2014
ՀՀ քաղաքաշինության նախարարության ղեկավար կազմը նախարար Նարեկ Սարգսյանի գլխավորությամբ նախօրեին Տավուշի մարզում էր: Տավուշի մարզպետարանում նրանց ընդունեցին մարզպետ Հովիկ Աբովյանը և ՀՀ զինված ուժերի 3-րդ բանակային կորպուսի հրամանատար Օնիկ Գասպարյանը: Քննարկվեցին մարզի համայնքների քաղաքաշինական հատակագծերի հարցերը և այլ քաղաքաշինական խնդիրներ: Այնուհետև նախարարը Տավուշի մարզպետի ուղեկցությամբ եղավ սահմանամերձ հենակետերից մեկում, հանդիպեց զինվորների հետ, ծանոթացավ ծառայության պայմաններին, զրուցեց նրանց հետ թեյի սեղանի շուրջ: Քանի որ այցն Ամանորի շեմին էր, հյուրերը նվերներ հանձնելով զինվորներին, շնորհավորեցին նրանց Նոր տարվա և Սուբ ծննդյան տոների կապակցությամբ, շնորհակալություն հայտնեցին հայրենիքի սահմանները անառիկ պահելու համար: Այցի ավարտին մարզպետ Հովիկ Աբովյանը շնորհակալություն հայտնեց հյուրերին ուշադրության համար, կարևորեց նման հանդիպումները և հավաստիացրեց, որ այդ միջոցառումները բարձրացնում են զինվորի և սահմանի վրա բնակվող ժողովրդի ոգին:
