Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
<< Տավուշի մարզի տուրիզմի զարգացման գործակալություն>> հասարակական կազմակերպությունն սկսում է ծրագրի իրականացման գործընթացը
16.12.2014
Տավուշի մարզպետարանի նախաձեռնությամբ ստեղծված << Տավուշի մարզի տուրիզմի զարգացման գործակալություն>> հասարակական կազմակերպությունը Գերմանիայի Դաշնության Ռեգեն և Հայաստանի Հանրապետության Տավուշի մարզերի միջև համագործակցության շրջանակներում, Գերմանական միջազգային համագործակցության ընկերության /ԳՄՀԸ, GIZ/ կողմից տրամադրած դրամաշնորհի միջոցներով, արդեն անցնում է գործնական քայլերի իրականացմանը: Այս թեմայով այսօր աշխատանքային քննարկում տեղի ունեցավ Տավուշի մարզպետ Հովիկ Աբովյանի մոտ, որին մասնակցում էին մարզպետի տեղակալ Լևոն Սարգսյանը, ԳՄՀԸ-ի << Համայնքների զարգացում հարավային Կովկասում>> ծրագրի խորհրդատու Մերի Սարգսյանը և << Տավուշի մարզի տուրիզմի զարգացման գործակալություն>> հասարակական կազմակերպության նախագահ Հովհաննես Ղահրամանյանը: Ներկայացվեցին այն հիմնական աշխատանքները, որոնք իրականցվելու են հենց այս ծրագրի շրջանակներում. բազմալեզու կայքի ստեղծում, տեղեկատվական փաթեթների կազմում, ցուցանակների տեղադրում և շատ այլ գործընթացներ, որոնք կխթանեն մարզում տուրիզմի զարգացմանը և կնպաստեն Տավուշը ներկայացնել աշխարհին որպես տուրիզմի համար հետաքրքիր տարածաշրջան: Մարզպետ Հովիկ Աբովյանը ողջունեց աշխատանքների մեկնարկի կապակցությամբ և նշեց, որ մարզպետարանն իր ամողջ աշխատակազմով և բոլոր հնարավորություններով կաջակցի ծրագրի արդյունավետ իրականացմանը:
