Տավուշի մարզպետի աշխատակազմ

ՀՀ կառավարության որոշմամբ հաստատված Տավուշի մարզի առաջնահերթ լուծում պահանջող խնդիրների լուծման համար հատկացվել է ավելի քան 342 մլն դրամ: Նախատեսված ծրագրերի շարքում ընդգրկվել են նաև մի շարք կրթական հաստատությունների, մասնավորապես հանրակրթական դպրոցներում հիմնանորոգման աշխատանքներ: Արդեն ավարտվել են Բագրատաշենի թիվ 2 և Դեղձավանի դպրոցների տանիքի վերանորոգման աշխատանքները: Ավարտված է նաև Մովսեսի դպրոցում կոյուղու վերանորոգումը, իսկ Բերդի թիվ 3 դպրոցում՝ մուտքի վերանորոգումը: Մարզի մի շարք դպրոցներում վերանորոգվել են նաև ռազմագիտության դասասենյակները: Ընդհանուր վերանորոգման են ենթարկվել Ծաղկավան և Կողբ համայնքների դպրոցները: Կողբի դպրոցում առաջին պայմանագրի շրջանակներում նախատեսված աշխատանքներն արդեն ավարտված են: 2-րդ պայմանագրով ծրագրվածներն իրականացվել են ավելի քան 30 տոկոսով, և այս պահին էլ շինարարական հրապարակում աշխատանքային եռուզեռ է: