Տավուշի մարզպետի աշխատակազմ

Տավուշի մարզպետ Հովիկ Աբովյանը հերթական ախատանքային այցով գտնվում էր Բերդի տարածաշրջանում: Լինելով Այգեպար գյուղում, մարզպետը շրջայց կատարեց համայնքում, ծանոթացավ իրականացվող ծրագրերի ընթացքին: Այգեպարում հիմա ընթացքի մեջ են Կարմիր խաչի միջազգային ծրագրի կողմից կառուցվող պաշտպանիչ պատի շինարարական աշխատանքները, Մանկապարտեզի տարածքն անվտանգ դարձնելու նպատակով շենքը տարբեր կողմերից շրջապատվում է պատով: Մարզպետը տեղում նայեց շինարարության ընթացքը, այն քննարկեց համայնքի ղեկավարի, շինարարների, իրականացնող կազմակերպության ներկայացուցչի հետ: Այգեպարում հիմա ընթացքի մեջ է նաև Հայաստանի սոցիալական ներդրումների հիմնադրամի կողմից կառուցվող դպրոցի դահլիճի շինարարությունը: Նույն կազմակերպությունն արդեն ավարտել է նաև Այգեպարի դպրոցի տարածքում պաշտպանիչ պատի կառուցումը: