Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայկական Կարմիր խաչի ընկերության տարածաշրջանային մրցումներ
27.10.2014
Հայկական Կարմիր խաչի ընկերության /ՀԿԽԸ/ առաջին օգնության կամավորական խմբերի տարածաշրջանային հերթական մրցումներ անցկացվեցին Իջևանում, որին մասնակցում էին կամավորական թիմեր Այգեհովիտ, Բերդավան, Այգեձոր, Արծվաբերդ գյուղերից: Իջևանի թիմը համալրված էր <<Սոս մանկական գյուղերի>> սաներով: Թիմերը ձևավորվել էին ՀԿԽԸ առաջին օգնության ուսումնամեթոդական կենտրոնի կողմից անցկացված առաջին օգնության դասընթացների արդյունքում: Նպատակն է զարգացնել բնակչության առաջին օգնության հմտությունները մասնավորապես սահմանամերձ Տավուշի մարզում:
Մասնակիցների առաջին օգնության հմտություններն ստուգելու համար կազմակերպիչների կողմից նախապատրաստվել էր 4 կայան, որտեղ ներկայացված էին 4 դեպքեր. օտար մարմին, ուժեղ արյունահոսություն, շոկ, գլխի վնասվածք, գիտակցության կորուստ, որովայնի փակ վնասվածք և կոտրվածք: Հետաքրքիր պայքարի արդյունքում հաղթող ճանաչվեց Իջևանի թիմը, որը կմասնակցի առաջին օգնության հանրապետական մրցումներին:
