Տեղեկատվական կենտրոն
Նորություններ
Քննարկում նվիրված աղքատության հաղթահարման միջազգային օրվան
20.10.2014
Հոկտեմբերի 17-ին Աղքատության հաղթահարման միջազգային օրվան նվիրված կլոր սեղան-քննարկում էր կազմակերպել << Հույսի կամուրջ>> հասարակական կազմակերպությունը: Միջոցառումը կայացավ <<Աշխատանքի և արժանապատիվ կյանքի իրավունք >> ծրագրի շրջանակներում: Կլոր սեղանի մասնակիցները ներկայացնում էին տարբեր կառույցներ. պետական, հասարակական, գործարար, զանգվածային լրատվության միջոցներ և այլն: Ներկաներին ողջունեց, ակտիվ քննարկում ծավալելու կոչով հանդես եկավ Տավուշի մարզպետի տեղակալ Լևոն Սարգսյանը, ապա ներկայացրեց աղքատության հաղթահարմանն ուղղված գործընթացները Տավուշի մարզում: Յուրաքանչյուրն իր ոլորտում, առավել վիճակագրական տվյալներով, զեկույցներ ունեցան Իջևանի զբաղվածության տարածքային կենտրոնի ծրագրերի պատասխանատու Սմբատ Ցուցուլյանը և Ակբա-կրեդիտ Ագրիկոլ բանկի կառավարիչ Սասուն Ասատրյանը: Հաշմանդամությունն ու աղքատությունը թեմայով զեկույց կարդաց <<Հույսի կամուրջ>> ՀԿ Իջևանի մասնաճյուղի տնօրեն Արմինե Ներսիսյանը: Միջոցառումն անցավ ակտիվ քննարկումներով, իրենց կարծիքները հայտնեցին նաև հասարակական կազմակերպությունների ներկայացուցիչները: Ընդգծվեց, որ նման քննարկումների ժամանակ միշտ կարևոր եզրահանգման են գալիս, և արդյունքում եթե մեծ խնդիրներ չեն լուծվում, ապա փոքր հարց որևէ ընտանիքի, մարդու կամ երեխայի համար անպայման լուծում է ստանում: Նման քննարկումների ժամանակ են ծնվում հետաքրքիր գաղափարներ: Բացառություն չէր նաև այս հանդիպումը: