Տավուշի մարզպետի աշխատակազմ

  Սիրելի տավուշցիներ, արդեն մի քանի տարի է պաշտոնապես նշվում է գյուղաշխարհի և գյուղատնտեսական ոլորտի մասնագետների տոնը: Տավուշի մարզը, ինչպես գիտեք, գյուղատնտեսական ուղղվածություն ունեցող մարզ է, և մեր տնտեսության զարգացումը մեծապես կախված է հենց գյուղատնտեսական ոլորտի հաջողություններից: Միշտ էլ հողագործը, գյուղատնտեսն է եղել երկրի, ժողովրդի կերակրող ձեռքը, և մենք պետք է ներդնենք բոլոր ջանքերը, որպեսզի նա կարողանա աշխատել ու արարել լավագույն պայմաններում, որպեսզի գյուղն ու գյուղատնտեսությունը, գյուղմթերքի արտադրությունն ու իրացումը մեր մարզում դառնան մեկ ամբողջական ու ամուր շղթա: Սա է մեր ապագան. ես հավատում եմ մեր մասնագետների ուժերին ու հողի բարեբերությանը և վստահ եմ, որ օրեցօր ավելի արդյունավետ ենք օգտագործելու մեր հնարավորությունները:
Մեկ անգամ ևս շնորհավորելով ոլորտի մասնագետներին, մաղթում եմ բոլոր գյուղատնտեսներին առողջություն, ընտանեկան երջանկություն և մասնագիտական հաջողություններ: