Տավուշի մարզպետի աշխատակազմ

Այսօր, Տավուշի մարզպետարանում, Տավուշի մարզպետ Հովիկ Աբովյանի մոտ քաղաքացիների հերթական ընդունելության օրն էր: Ընդունելության համար նախապես դիմել էին և հերթագրվել 18 քաղաքացի Իջևան քաղաքից և տարածաշրջանի մյուս համայնքներից: Ընդունելությանը մասնակցած 18 քաղաքացիներից 7-ը մարզպետին դիմեցին ֆինանսական աջակցության, 5-ը՝ աշխատանքի տեղավորման, 2-ը՝ վառելափայտի ձեռք բերման, 4-ը` այլ բնույթի հարցերով: Որոշակի հարցերի մարզպետ Հովիկ Աբովյանը տեղում լուծում տվեց: Իսկ քաղաքացիների կողմից բարձրացված այն խնդիրների կապակցությամբ, որոնք լրացուցիչ ժամանակ և ուսումնասիրություն են պահանջում, մարզպետ Հովիկ Աբովյանը հանձնարարականներ տվեց մարզպետարանի համապատասխան ստորաբաժանումների ղեկավարներին: