Տեղեկատվական կենտրոն
Նորություններ
Մարզում ընթացքի մեջ են խաղողի մթերման աշխատանքները
27.09.2014
Սեպտեմբերի 15-ից Տավուշի մարզում սկսվել է խաղողի մթերումը: Տավուշի մարզպետարանի գյուղատնտեսության և բնապահպանության վարչության հաղորդմամբ այս տարի խաղողի ընդունման արժեքը 140 դրամ է, որն անցյալ տարվա համեմատ աճել է 5 դրամով: Սեպտեմբերի 26-ի դրությամբ <<Երևանի կոնյակի գործարան>> ՓԲԸ-ի Բերդի մասնաճյուղը ընդունել է 2500, <<Երևանի շամպայն-գինիների գործարան>> ԲԲԸ-ի Դեբեդավան գինու գործարանը՝ 750, Տավուշի գինու գործարանը՝ 46, իսկ Իջևանի գինու-կոնյակի գործարանը՝ 780 տոննա խաղող: Բերդավանի գինու գործարանում մթերումը կատարվում է Իջևանի գինու-կոնյակի գործարանի կողմից, և մթերվել է շուրջ 500 տոննա խաղող: Ինչպես անցած տարի, այս տարի ևս մթերում է կատարվում Այգեձորի <<Էկոգարդեն>> ՍՊԸ կողմից, որն արդեն մթերել է շուրջ 50 տոննա խաղող: