Տեղեկատվական կենտրոն
Նորություններ
Գյուղատնտեսության փոխնախարարի հետ քննարկվեցին դեղձի մթերման ու արտահանման հետ կապված հարցեր
23.07.2014
![](http://tavush.mtad.am/files/n_pics/5978_s.jpg)
Հուլիսի 22-ին աշխատանքային այցով Տավուշի մարզում էր ՀՀ գյուղատնտեսության փոխնախարար Ռոբերտ Մակարյանը: Փոխնախարարն այցն սկսեց Տավուշի մարզպետարանից, որտեղ մարզպետ Հովիկ Աբովյանի հետ քննարկվեցին դեղձի մթերման ու արտահանման հետ կապված հարցեր: Մարզպետն իր պատրաստակամությունն ու աջակցությունը հայտնեց խնդրի լուծմանը: Այնուհետև Տավուշի մարզպետարանի գյուղատնտեսության և բնապահպանության վարչության պետ Վաղարշակ Սուքոյանի և գյուղատնտեսության աջակցության մարզային կենտրոնի տնօրեն Վահան Կարապետյանի ուղեկցությամբ Ռոբերտ Մակարյանն այցելեց Նոյեմբերյանի տարածաշրջան, Պտղավանում հանդիպեց տարածաշրջանի այգեգործների, համայնքների ղեկավարների հետ, լսեց նրանց մտահոգությունները: Ռոբերտ Մակարյանը խոստացավ արտահանող կազմակերպությունների ներկայացուցիչներին ուղարկել տարածաշրջան՝ տեղում խնդիրներն ուսումնասիրելու և պայմանավորվածություններ ձեռք բերելու նպատակով: Նա նաև հավաստիացրեց, որ բոլոր հնարավոր պայմանները կստեղծվեն վերամշակող և մթերող կազմակերպությունների հետ աշխատանքներն ավելի դյուրին դարձնելու համար: Կարևորելով գյուղատնտեսական շուկաների բացումը մայրաքաղաքում, փոխնախարարը հորդորեց պտղաբույծներին օգտվել նաև դրանց ծառայությունից: Օգտագործելով ընձեռված հնարավորությունը՝ այգեգործները բարձրացրին նաև մի շարք այլ հարցեր՝ կապված ոռոգման սեզոնայնության, բուժանյութերի ձեռքբերման և այլնի հետ: Փոխնախարարը եղավ նաև <<Գյուղատնտեսական տարածքների տնտեսական զարգացման ԾՎԿ>> ծրագրի շրջանակներում ստեղծված <<Հայկական միրգ>> ՓԲԸ-ի Տավուշի մարզային գյուղատնտես Սպարտկ Զախարյանի կողմից Արճիսում հիմնված 4,5 հա նեկտարենու այգում, դրվատեց կատարված աշխատանքը: