Տեղեկատվական կենտրոն
Նորություններ
<<Գլոբալ Վիլիջ>> միջազգային կամավորական թիմը հյուրընկալվեց Տավուշի մարզում
08.07.2014
Օրեր առաջ <<Հաբիթաթ ֆոր Հյումենիթի Արմենիա>> հիմնադրամը հյուրընկալեց <<Գլոբալ Վիլիջ>> ծրագրի միջազգային կամավորների առաջին թիմին: Աշխարհի տարբեր անկյուններից ժամանած 10 կամավորներ մեկ շաբաթ է ընդգրկված են Իջևան քաղաքում ապրող Փարսադանյանների տան վերանորոգման և բարեկարգման աշխատանքներում: Փարսադանյանների բազմանդամ ընտանիքը տարիներ շարունակ բնակվել է վթարային շենքում, իսկ հիմա <<Հաբիթաթ ֆոր Հյումենիթի Արմենիա>> հիմնադրամի հետ համագործակցության շնորհիվ նրանք կունենան պարզ, պատշաճ և մատչելի բնակարան:
Այսօր նշվեց Փարսադանյանների բնակարանամուտը և տան օրհնության արարողությունը իրականացրեց Իջևանի հոգևոր հովիվ Տեր Սիմեոն քահանա Առաքելյանը:
Այս տարի նշյալ հիմնադրամը կհյուրընկալի <<Գլոբալ Վիլիջ>>-ի կամավորների ևս երեք թիմերի, որոնք կմասնակցեն ավելի շատ ընտանիքների բնակարանային պայմանների բարելավմանը:
<<Հաբիթաթ ֆոր Հյումենիթի Արմենիա>> հիմնադրամը <<Հաբիթաթ ֆոր Հյումենիթի Ինթերնեյշնլի>> ազգային գրասենյակն է Հայաստանում: <<Հաբիթաթ ֆոր Հյումենիթի Արմենիա>> հիմնադրամը իրականացնում է տների և բնակարանների վերակառուցման և վերանորոգման աշխատանքներ, տրամադրում բնակարանաշինության միկրոֆինանսավորման ծառայություններ` համագործակցելով ֆինանսական կազմակերպությունների հետ, ինչպես նաև իրազեկման աշխատանքներ տանում մատչելի բնակարանային պայմաններ ստեղծելու ուղղությամբ: Այն Հայաստանում գործում է 2000 թվականից ի վեր աջակցել է ավելի քան 3200 ընտանիքների: