Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ստեղծվեց քաղաքացիական գործընկերության հարթակ
01.07.2014
Հուլիսի 1-ին <<Հույսի կամուրջ >> հասարակական կազմակերպության Իջևանի մասնաճյուղում տեղի ունեցավ ժողով-հանդիպում, որի նպատակն էր <<Աշխատանքի և արժանապատիվ կյանքի իրավունք>> ծրագրի շրջանակներում ստեղծել քաղաքացիական գործընկերության հարթակ` խթանելու համագործակցությունը պետական և ոչ պետական կազմակերպությունների միջև, հզորացնելու կազմակերպությունների շահերի պաշտպանության վերաբերյալ գիտելիքները, նպաստելու հաշմանդամություն ունեցող երիտասարդների կենսապայմանների բարելավմանն ու հզոր քաղաքացիական հասարակության ձևավորմանը:
Հանդիպմանը մասնակցում էին Տավուշի մարզպետի տեղակալ Լևոն Սարգսյանը, <<Հույսի կամուրջ>> ՀԿ-ի նախագահ Սուսաննա Թադևոսյանը, Տավուշի մարզպետարանի աշխատակազմի պատասախանատու ստորաբաժանումների ղեկավարներ, Իջևանի տարածքային զբաղվածության կենտրոնի տնօրեն Վահագն Առաքելյանը, Իջևանի քաղաքապետի տեղակալ Սուրեն Մանուկյանը, <<Հույսի կամուրջ>> հասարակական կազմակերպության Իջևանի, Դիլիջանի, Նոյեմբերյանի, Բերդի մասնաճյուղերի ղեկավարները:
Հանդիպման ըւնթացքում ներկայացվեց և քննարկվեց Տավուշի մարզի քաղաքացիական գործընկերության հարթակի /ՔԳՀ/ գործունեության կանոնակարգը: ՔԳՀ նիստի նախագահ ընտրվեց Տավուշի մարզպետի տեղակալ Լևոն Սարգսյանը:
