Տեղեկատվական կենտրոն
Նորություններ
Քննարկվեց ընտանեկան բռնության հիմնախնդիրների և ընտանեկան բռնության կանխարգելման վերաբերյալ հարցեր
30.06.2014
![](http://tavush.mtad.am/files/n_pics/5805_s.jpg)
Հունիսի 30-ին Տավուշի մարզպետարանում մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի նախաձեռնությամբ հրավիրվել էր հանդիպում ՀՀ ոստիկանության Տավուշի մարզային վարչության 4 տարածքային բաժինների ծառայողների, համայնքապետարանների ներկայացուցիչների, մարզպետարանի համապատասխան ստորաբաժանումների և կրթական ոլորտի մասնագետների հետ: Հանդիպումն անցկացրեց <<Կանանց իրավունքների կենտրոն>> հասարակական կազմակերպության կոորդինատոր Անահիտ Շահինյանը և ԵՊՀ Իջևանի մասնաճյուղի քաղաքացիական իրավունքի դասախոս, իրավապաշտպան Սուսաննա Սիրադեղյանը: Քննարկվեց ընտանեկան բռնության հիմնախնդիրների և ընտանեկան բռնության կանխարգելման վերաբերյալ հարցեր: Ոստիկանության տարածքային բաժինների ծառայողները ներկայացրին 2014 թվականի ընթացքում իրենց բաժիններում ընտանեկան բռնության դեպքերի վիճակագրությունը: Ծավալվեց բուռն քննարկումներ, եղան հարց ու պատասխաններ, որոնք միտված էին ակտիվացնել համագործակցությունը ոստիկանության, համայնքապետարանների, ՀԿ-ների, մարզպետարանի պատասխանատու ստորաբաժանումների հետ՝ կյանքի դժվարին իրավիճակներում հայտնված ընտանիքների և անչափահասների շրջանում հայտնաբերելու բռնության դեպքերը, այն կանխարգելելու և համապատասխան միջոցառումներ իրականացնելու համար: