Տավուշի մարզպետի աշխատակազմ

   Հունիսի 1-ից հանրապետությունում մեկնարկել էր Սահմանից Սահման քայլարշավը, որը կավարտվի հունիսի 21-ին: Տավուշի մարզից քայլարշավի ծրագրում ընդգրկված էին երկու համայնք՝ Բագրատաշենը և Դիլիջանը: Բագրատաշենում քայլարշավի մասնակիցները հանդիպում են ունեցել հունիսի 1-ին, իսկ դիլիջանյան հանդիպումը տեղ ունեցավ օրերս:Նշենք, որ ծրագրի նպատակն է հանդիպումներ ունենալ Հայաստանի ընդհանուր թվով 21 գյուղերում և քաղաքներում՝ բարձրացնելով ծնողների և երեխաների ընդհանուր իրազեկությունը առողջության և բնապահպանության վերաբերյալ: Դիլիջանում դասընթացն անցկացվեց <<Հույսի կամուրջ>> հասարակական կազմակերպության Դիլիջանի մասնաճյուղում, որտեղ Խաղաղության կորպուսի կամավորները երեխաներին իրազեկեցին առողջ ապրելակերպի՝ ատամների խնամքի, առողջ սննդի, ծխախոտի վնասակար ազդեցության և շրջակա միջավայրի մաքրության պահպանման կարևորության մասին: Սեմինարին մասնակցեց 7-ից 16 տարեկան մոտ 40 երեխա: Վերջում երեխաները ստացան մասնակցության վկայականներ և պայուսակներ՝ հիգիենիկ պարագաներով: