Տեղեկատվական կենտրոն
Նորություններ
Մհեր Մկրտչյանի անվան արտիստական թատրոնը՝ իջևանյան բեմում
16.06.2014
Տավուշի մարզում էր Մհեր Մկրտչյանի անվան արտիստական թատրոնը: Թատերախումբը մարզ էր ժամանել Տավուշի մարզպետ Հովիկ Աբովյանի նախաձեռնությամբ և Իջևանի քաղաքապետարանի աջակցությամբ: Իջևանի մշակույթի տանը թատերախումբը բեմադրեց <<Ամուսնանալը հեշտ բան չէ>> ներկայացումը: Ներկայացման ռեժիսորն է Արսեն Գրիգորյանը, բեմադրության հեղինակը` Մհեր Մկրտչյանը` Ալբերտ Մկրտչյանի որդին: Մեկ գործողությամբ կատակերգությունը ստեղծվել է ռեժիսորի եւ դերասանների անմիջական մասնակցությամբ: Գլխավոր դերերում էին Ռուդիկ Մարտիրոսյանը (Համով), Արսեն Գրիգորյանը (Ռուդ), Լուսինե Ավանեսյանը (Մերի) և Լիլի Դավթյանը (Լիլի): Լեփ-լեցուն դահլիճում ծիծաղի հնչյունների պակաս չէր զգացվում, և հանդիսատեսը մշակույթի տնից դուրս եկավ գոհունակությամբ ու տպավորություններով լի: