Տեղեկատվական կենտրոն
Նորություններ
Մեկնարկեց ամառային զորակոչը
12.06.2014
Հունիսի 12-ին Տավուշի մարզում մեկնարկեց ամառային զորակոչը: Մարզի 4 զինկոմիսարիատներից առաջին խումբը զորակոչվեց բանակ: Իջևանի զինկոմիսարիատում փողային նվագախմբի հայրենասիրական խրոխտ հնչյունների ներքո նորակոչիկներին շնորհավորեց Իջևանի զինկոմ, գնդապետ Արթուր Հովակիմյանը: <<Իջևանի տարածաշրջանից զորակոչված ամեն մի զինծառայող պատվով է իր պարտքը կատարել և դրա վկայությունն են գրեթե ամեն օր տարբեր զորամասերից ստացվող շնորհակալական նամակները, մեր եռամիասնության՝ բանակ-պետություն-հայոց ազգի պահպանման համար այսօրվանից, սիրելի զորակոչիկներ, ձեր լուման եք ունենալու: Խաղաղություն ու բարի վերադարձ եմ ձեզ ցանկանում>>:
Առաջին զորակոչին ներկա էին Տավուշի մարզպետարանի և Իջևանի քաղաքապետարանի պատասխանատուներ, համայնքների ղեկավարներ, ազատամարտի մասնակիցներ, նորակոչիկների հարազատներ ու ընկերներ: Համայնքների ղեկավարներն իրենց համայնքից զորակոչված տղաների համար նվերների փաթեթներ էին պատրաստել՝ ծառայության մեկնող զինվորին առաջին անհրաժեշտության պարագաներով: Իսկ Իջևանի հոգևոր հովիվ Տեր Սիմեոն քահանա Առաքելյանը օրհնանքով բարի ծառայություն մաղթեց նորակոչիկներին: