Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեղի ունեցավ ՀՀ Տավուշի մարզային զորակոչային հանձնաժողովի անդրանիկ նիստը
11.06.2014
Հունիսի 10-ին տեղի ունեցավ ՀՀ Տավուշի մարզային զորակոչային հանձնաժողովի անդրանիկ նիստը: Նիստը վարեց ՀՀ Տավուշի մարզպետ, մարզային զորակոչային հանձնաժողովի նախագահ Հովիկ Աբովյանը:
Օրակարգի առաջին հարցով ՀՀ Տավուշի մարզպետարանի աշխատակազմի քարտուղարության պետ, մարզային զորակոչային հանձնաժողովի քարտուղար Համլետ Ավալյանը ներկայացրեց 2013-2014թ.թ. ձմեռային զորակոչի արդյունքները: Արձանագրվեց նախորդ զորակոչի դրական աշխատանքը: Նշվեց, որ օրինակելի աշխատանքի համար ՀՀ պաշտպանության նախարարի կողմից մարզի բոլոր չորս զինկոմիսարիատներն էլ արժանացել են դրական գնահատականի, իսկ ավելի բարձր ցուցանիշներ ապահոված Նոյեմբերյանի զինկոմիսարիատը պարգևատրվել է թանկարժեք նվերով:
Օրակարգի հաջորդ հարցը վերաբերում էր 2014 թվականի ամառային զորակոչին: Զինկոմները զեկուցեցին, որ ձևավորված են զորակոչային հանձնաժողովներ: Ավարտված են ամառային զորակոչի նախապատրաստական աշխատանքները և պատրաստ են զորակոչն սկսելուն:
Մարզպետ Հովիկ Աբովյանը հանձնարարականներ տվեց զինկոմներին և համապատասխան ստորաբաժանումների ղեկավարներին ամենայն աջակցություն ցուցաբերել զորակոչի աշխատանքները պատշաճ մակարդակով կազմակերպելուն:
