Տեղեկատվական կենտրոն
Նորություններ
Աշխատանքային խորհրդակցություն Բերդում
10.06.2014
![](http://tavush.mtad.am/files/n_pics/5640_s.jpg)
Հունիսի 9-ին ՀՀ Տավուշի մարզպետ Հովիկ Աբովյանը աշխատանքային խորհրդակցություն անցկացրեց Բերդում: Մասնակցում էին տարածաշրջանի համայնքների ղեկավարները: Մարզպետը խորհրդակցության մասնակիցներին ներկայացրեց ՀՀ կառավարության կողմից առաջիկայում նախատեսվող ծրագրերը, այնուհետև համայնք առ համայնք քննարկվեցին ինչպես եղած հիմնախնդիրները, այնպես էլ նախատեսվող ծրագրերի արդյունավետ իրականացման բոլոր մանրամասները:
Խորհրդակցության ընթացքում համայնքի ղեկավարները ներկայացրին իրենց առաջարկները և տվեցին որոշակի պարզաբանումներ համայնքներում առաջնահերթ լուծում պահանջող հիմնախնդիրների վերաբերյալ: Մարզի ղեկավարը խոստացավ բոլոր խնդիրները քննարկել համապատասխան մակարդակներում և գտնել տարբերակներ բարձրացված հարցերին հնարավորինս լուծում տալու համար: