Տեղեկատվական կենտրոն
Նորություններ
Իջևանի երաժշտական դպրոցի հաշվետու համերգը
29.05.2014
Մայիսի 27-ին Իջևանի երաժշտական դպրոցի ուսուցիչները և աշակերտները ի դեմս տնօրեն Աիդա Սարգսյանի կազմակերպել էին հաշվետու համերգ: Համերգին ներկա էին ՀՀ Տավուշի մարզպետարանի աշխատակազմի ղեկավարը, ծնողներ, բազմաթիվ հյուրեր: Համերգային ծրագիրը մեկնարկեց երաժշտական դպրոցի ժողովրդական գործիքներ նվագախմբի գեղեցիկ կատարմամբ: Համերգին ելույթ ունեցան լարային, ստեղնաշարային, փողային, վոկալ և հարվածային բաժինների աշակերտները, ովքեր ցուցադրեցին իրենց տաղանդն ու ունակությունները: 56 տարվա պատմություն ունեցող Իջևանի երաժշտական դպրոցը տվել ու տալիս է շնորհալի երաժիշտներ, ովքեր պարբերաբար մասնակցում են միջազգային տարբեր մրցույթ-փառատոների և արժանանում ոչ միայն հանդիսատեսի համակրանքին, այլև պարգևատրվում պատվոգրերով ու շնորհակալագրերով: Վերջերս Գյումրիում անցկացված երաժիշտ-կատարողների <<Վերածնունդ>> միջազգային 6-րդ մրցույթ-փառատոնում Իջևանի երաժշտական դպրոցի սաներից Ռուբեն Խաչատրյանը <<Ժողովրդական գործիքներ>> անվանակարգում պարգևատրվել է դիպլոմով, <<Դաշնամուր>> անվանակարգում դիպլոմ է ստացել Սաթինե Գուլլակյանը և նույն անվանակարգում շնորհակալագրով է պարգևատրվել Ալլա Սարգսյանը: Դիպլոմներն ու շնորհակալագիրն աշակերտներին հանձնեց երաժշտական դպրոցի տնօրեն Աիդա Սարգսյանը և դպրոցի կողմից խրախուսեց նվերներով: Համերգի ավարտին շնորհակալական խոսքով հանդես եկան Իջևանի քաղաքապետարանի մշակույթի բաժնի վարիչը և երաժշտական դպրոցի տնօրենը: