Տեղեկատվական կենտրոն
Նորություններ
Իջևանի տարածաշրջանում անցկացվեց շրջանային առաջնություն
26.05.2014
Ապրիլի 16-ից Հայաստանի ֆուտբոլի ֆեդերացիայի Տավուշի մարզի ներկայացուցիչ Արթուր Վանեսյանի գլխավորությամբ կազմակերպվել է շրջանային առաջնություն Իջևանի տարածաշրջանի 13 համայնքային թիմերի միջև: Խաղերն անցկացվել են 2 ենթախմբով՝ Աչաջուր համայնքի և Ազատամուտ համայնքի ֆուտբոլային դաշտերում: 6 թիմ խաղացել է Աչաջուր համայնքում և 7 թիմ՝ Ազատամուտ համայնքում: Կիսաեզրափակիչ են դուրս եկել Իջևան, Աչաջուր, Ազատամուտ և Գետահովիտ համայնքների թիմերը:
Մայիսի 25-ին Իջևանի <<Արնար>> մարզադաշտում անցկացվել է եզրափակիչ խաղը: Եզրափակիչում մրցել են Իջևան քաղաքի և Գետահովիտ համայնքի թիմերը: Լարված մրցապայքարում հաղթել է Գետահովիտի թիմը և պարգևատրվել ՀՖՖ-ի պատվոգրերով, գավաթով ու գնդակներով: Եզրափակիչ փուլ դուրս եկած թիմերից ընտրվել են լավագույն ֆուտբոլիստները և պարգևատրվել մրցանակներով: Գետահովիտի թիմից լավագույն խաղացող է ճանաչվել Կարեն Ենգիբարյանը, իսկ Իջևանի թիմից՝ Վրեժ Սարհատյանը: Լավագույններին մրցանակներ են հանձնվել նաև Իջևանի քաղաքապետարանը և Գետահովիտի գյուղապետարանը: