Տեղեկատվական կենտրոն
Նորություններ
ՏԱՎՈՒՇԻ ՄԱՐԶՊԵՏ ԱՐՄԵՆ ՂՈՒԼԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԱՇԽԱՏԱՆՔԻ ՕՐՎԱ ԿԱՊԱԿՑՈՒԹՅԱՄԲ
30.04.2014
Սիրելի տավուշցիներ
Ջերմորեն շնորհավորում եմ Ձեզ մայիսմեկյան տոնի՝ Աշխատանքի ու աշխատավոր մարդու օրվա կապակցությամբ: Աշխատանքն է մարդկային կյանքի ու մշակույթի հիմքը, յուրաքանչյուր ընտանիքի կայացման ու ամրապնդման կարևոր երաշխիքը: Իսկ գաղտնիք չէ, որ ամուր ու կայացած ընտանիքներով է հզոր երկիրը: Աշխատանքը հայ մարդու համար մեծագույն արժեք է, կյանքի պայման: Ու բոլոր ժամանակներում էլ, հավատարիմ իր տեսակին ու կենսակերպին, նա կարողացել է սեփական քրտինքով վաստակել իր հացը, արարել ու բարիք ստեղծել:
Սահմանամերձ Տավուշի մարզը գյուղատնտեսական մարզ է, ու ես ուզում եմ առանձնակի շնորհավորել գյուղացու, գյուղի աշխատավորի Աշխատանքի տոնը:
Սիրելի հայրենակիցներ, մեկ անգամ ևս շնորհավորելով տոնի առթիվ՝ մաղթում եմ Ձեզ երջանկություն, խաղաղ ու արժանապատիվ աշխատանք՝ ի շահ Ձեր ընտանիքների բարեկեցության, մեր երկրի զարգացման ու առաջընթացի:
Փառք ու պատիվ աշխատավոր մարդուն: