Տեղեկատվական կենտրոն
Նորություններ
<<Ինչպես լուսաբանել հաշմանդամություն ունեցող անձանց խնդիրները>> թեմայով սեմինար-քննարկում լրագրողների համար
23.04.2014
Մեծահասակների կրթության Իջևանի կենտրոնում <<Հույսի կամուրջ>> հասարակական կազմակերպությունը ապրիլի 23-ին Տավուշի մարզի լրագրողների համար կազմակերպել էր <<Ինչպես լուսաբանել հաշմանդամություն ունեցող անձանց խնդիրները>> թեմայով սեմինար-քննարկում: Սեմինարն անցկացրեց <<Հույսի կամուրջ>> հասարակական կազմակերպության հաշմանդամություն ունեցող անձանց շահերի պաշտպանության պատասխանատու Զարուհի Բաթոյանը: Մասնակցում էին Իջևանի, Նոյեմբերյանի և Դիլիջանի տարածաշրջանի լրագրողներ, <<Հույսի կամուրջ>> ՀԿ-ի Իջևանի մասնաճյուղի աշխատակիցներ: Նշվեցին այն մոտեցումները, որոնք պետք է ունենան լրագրողները հաշմանդամություն ունեցող անձանց խնդիրները կամ առհասարակ նրանց վերաբերող նյութերը լուսաբանելիս կամ պատրաստելիս: Դրանք են՝ հարցազրույց վերցնելը հաշմանդամություն ունեցող անձից, դրական օրինակների լուսաբանումը, ֆիզիկական ունակությունների վրա չկենտրոնանալը, տեսանյութի մեջ հնչող երաժշտության ճիշտ ընտրությունը և այլն: Սեմինարի ընթացքում լրագրողներին առաջարկեցին ուշադրություն դարձնել բառերին, որոնք օգտագործում են նյութը պատրաստելիս՝ դրանց խոցելիությունից խուսափելու համար, և առաջարկվեցին բառերի նախընտրելի տարբերակներ: Սեմինարն անցավ ազատ և անկաշկանդ քննարկման մթնոլորտում: