Տավուշի մարզպետի աշխատակազմ

  Ապրիլի 9-ին Իջևանի թիվ 1 հիմնական դպրոցում անցկացվեց շախմատի հանրապետական 8-րդ օլիմպիադայի մարզային փուլը: Հավասար ուժերով պայքարի մեջ էին մտել տարածաշրջանային փուլում հաղթած 4 թիմերը՝ Դիլիջանի ավագ դպրոցը, Բերդի ավագ դպրոցը, Նոյեմբերյանի տարածաշրջանից Ջուջևանի միջնակարգ դպրոցը և Իջևանի տարածաշրջանից Աչաջրի միջնակարգ դպրոցը: Համառ պայքարի արդյունքում հաղթեց Ջուջևանի միջնակարգ դպրոցի թիմը՝ գրավելով 1-ին տեղը, 2-րդ և 3-րդ տեղերը համապատասխանաբար գրավեցին Աչաջրի միջնակարգ դպրոցի և Դիլիջանի ավագ դպրոցի թիմերը: Մրցումների կազմակերպիչն էր շախմատի ակադեմիայի լիազոր ներկայացուցիչ Էմիլ Մատինյանը, աջակիցը՝ Տավուշի մարզպետարանի կրթության, մշակույթի և սպորտի վարչությունը: Մարզային փուլի մասնակիցներին և մարզիչներին Հայկական բարեգործական ընդհանուր միության անդամները միության անունից նվիրեցին MP3 նվագարկիչներ և գավաթներ, իսկ հաղթող թիմին ու նրա մարզիչին նվիրեցին պլանշետներ: Մարզային փուլում հաղթած Ջուջևանի միջնակարգ դպրոցի թիմը կմասնակցի շախմատի հանրապետական 8-րդ օլիմպիադայի եզրափակիչ՝ հանրապետական փուլին: